أهلاً بيك في Rank

جولة سريعة على الشاشات اللي هتشتغل عليها كل يوم، وكل واحدة بتعمل إيه.

Rank بيعمل إيه

Rank بياخد مكان الكشكول اللي جنب الدرج. عارف أنهي جهاز شغال ومن إمتى، والزبون عليه كام، وإيه اللي خرج من التلاجة، ومين كان في الوردية لما الفلوس دخلت، والشهر كسبان ولا لأ بعد ما تحسب الإيجار.

البرنامج كله قايم على تلات حاجات:

• الجهاز — بلايستيشن واحد عندك في المحل، وليه أسعاره.
• الجلسة — زبون واحد بيلعب على جهاز واحد، من أول ما يقعد لحد ما يدفع.
• الوردية — الوقت اللي الموظف اشتغله، وكل جنيه دخل فيه بيترصد عليها.

لوحة التحكم

أول ما تسجّل دخول هتلاقي نفسك على لوحة التحكم. الصف اللي فوق بيقول لك المحل عامل إيه دلوقتي: كام جهاز شغال، كام فاضي، وإيرادات النهاردة والأسبوع والشهر.

تحتها قسم الاجهزه — كارت لكل جهاز، وده الشاشة اللي هتقعد عليها معظم اليوم. الكارت الأخضر معناه الجهاز فاضي وعليه زرار بدء الجلسة؛ الكارت الوردي معناه الجهاز شغال، والوقت والتكلفة ماشيين لوحدهم.

القايمة الجنب

باقي الحاجات كلها في القايمة، مقسومة حسب الجزء اللي بتخصّه:

• الجلسات — الحجوزات، اللي شغال دلوقتي، واللي خلص.
• الأجهزة — إضافة الأجهزة وتحديد أسعارها.
• المخزون — المشروبات والسناكس، والباقي منها كام.
• المبيعات — الكاشير، لزبون بيشتري من غير ما يلعب.
• الورديات — فتح وقفل درج الفلوس.
• المصروفات — الإيجار والكهربا والحاجات الصغيرة.
• التحليلات — الإيرادات، أكتر جهاز شغال، وصافي الربح.
• الفروع والمستخدمون والإعدادات — دي بتاعة صاحب المحل.

مين بيشوف إيه

صاحب المحل بيشوف كل حاجة، وهو بس اللي يقدر يضيف موظفين أو فروع أو يغيّر الإعدادات أو يقرا تقارير الفلوس.

الموظف بيشوف بالظبط اللي أنت علّمت عليه وقت ما عملت له الحساب — غالبًا فتح وقفل الجلسات والبيع من الكاشير وورديته هو، وبس. إزاي تضيف موظف بيشرح الاختيارات دي واحدة واحدة.

تروح فين بعد كده

• جهّز الكافيه — ست خطوات في أول يوم.
• إزاي تبدأ جلسة — الحاجة اللي هتعملها مية مرة في اليوم.
• إزاي تقرا التقارير — لما الأرقام تبتدي تتجمع.