فتح وقفل الوردية

افتح الدرج أول اليوم، وعُدّ الفلوس في الآخر.

الورديات موجودة ليه

الوردية هي فترة شغل وليها درج فلوس. كل جلسة تتقفل وكل بيعة تتعمل وهي مفتوحة بتترصد عليها، وده اللي بيخلّي Rank يجاوب على السؤال الوحيد المهم وقت التسليم: الشخص ده اشتغل الساعات دي، وحصّل المبلغ ده، والمفروض في الدرج كام.

الموظف محتاج وردية مفتوحة قبل ما يبدأ جلسة. صاحب المحل مش محتاج — بس لو فتح واحدة، دي الطريقة الوحيدة اللي إيراداته هو كمان تتحسب بنفس الشكل.

١

افتح الوردية

الورديات ← ورديّاتي. لو مافيش وردية شغالة، الصفحة هتعرض عليك تفتح واحدة.

• النقدية الافتتاحية. عُدّ الفلوس اللي في الدرج فعلاً واكتب الرقم ده. ده اللي العدّ في الآخر هيتقارن بيه، فلو خمّنت هنا فأنت مضمون هتلاقي فرق بعدين.
• ملاحظات الافتتاح (اختياري) — أي حاجة اللي بعدك لازم يعرفها.

دوس ابدأ الوردية.

والوردية شغالة

مافيش حاجة تانية تعملها — اشتغل بس. الجلسات والمبيعات بتترصد على الوردية المفتوحة وهي بتحصل، ولوحة التحكم بيظهر فيها مربع صغير بيقول الوردية دي حصّلت كام والمفروض في الدرج كام دلوقتي.

٢

اقفل الوردية

افتح صفحة الوردية نفسها — عرض على صفها — واقرا الملخص قبل ما تقفل حاجة:

• اجمالي الارباح المحصلة، مقسومة ألعاب ومبيعات.
• الجلسات والمبيعات — كام واحدة من كل نوع.
• مبلغ بدأ الوردية والمتوقع في الدرج — المفروض فيه كام.

وبعدين اقفلها:

• النقد الفعلي في الدرج. عُدّ الفلوس واكتب اللي موجود فعلاً — مش اللي الشاشة متوقعاه. فايدة الرقم ده كلها إنه جاي من إيدك مش من Rank.
• ملاحظات الإغلاق (اختياري) — ملاحظات تسليم للي بعدك.

دوس انهاء الوردية.

الزيادة والعجز

Rank بيقارن عدّك بالمتوقع وبيقول لك بالبلدي.

• زيادة بمقدار — كاش أكتر من المتوقع. غالبًا بيعة اتسجّلت مرتين، أو حاجة اتسجّلت تحويل وهي اتدفعت كاش.
• عجز بمقدار — كاش أقل من المتوقع. غالبًا فلوس اتاخدت لشرا حاجة وماتسجّلتش مصروف.

أسئلة بتتسأل كتير